LUITHPOLDUS

LUITHPOLDUS

fil. Eberhardi praedicti, primus Marchio Austriae, Imp. gener fuit. Pater Henr. I. qui frustra ab Henr. II. Imp. Bavariam sibi annisus est vindicare. Ex posteris Luithpoldus III. primus Dux Austriae dictus, Bavariam adversus Welfum III. sibi adseruit: Luithpoldus IV. cogn. Victoriosus, in Palaestina gestis celebris, Stiriam ab Ottocaro genero et alia, ut Comitatus Lintz et Wels, etc. ex lytro Richardi Angl. Regis a se capti empta Austriae suae adiecit, Viennamque novo muro cinxit: Luithpoldus V. Honorabilis dictus, pater suit Frid. Bellicosi et Henr. de Metlinga, cuius filia Gertrudis nupta Hermanno March. Badensi, in eam fam. ius Austriae intulit: sed fil. Frid. Neapoli decollatus est. Inde inter Ottocarum Boh. Regem Defuncti Frid. ex sorore Margaretha affinem et March. Misniae alterius sororis Constantiae filios, lis fuit: donec Rodolphus I. Imp. Ottocaro caeso, Ducatum Imperio primum, dein familiae suae addixit. Vide quoque Leopeldus.